Rusiyada restoranlar, hava limanları və təhsil müəssisələrində robotlar işə götürüləcək

Rusiyanın paytaxtı Moskvada, eləcə də Sankt-Peterburq və Perm şəhərlərindəki restoranlar koronavirusa qarşı peyvənd edilmiş QR kodlarını və ondan sağalanları yoxlamaq üçün robotları işə götürəcək.

''Nmedia.az'' bu barədə “RİA Novosti”yə istinadən bildirir.

Xəbərdə Rusiyanın xidməti robotların istehsalçısı olan “Promobot” şirkəti restoranlarda və ictimai yerlərdə QR kodlarını yoxlamaq üçün ilk robotu təqdim etdiyi bildirilib. Robot binanın girişində hərəkət edə və müştərilərlə ünsiyyət qura bilir.

Robotlar əsas cihaz dəsti ilə yanaşı, QR kodlarını oxumaq üçün skaner və pasport skaneri ilə də təchiz olunub. Eyni zamanda dövlət xidməti servisi ilə birləşdirilib. Bunun sayəsində QR kodunu yoxlamaq, pasportun və ya digər sənədin həqiqiliyini yoxlamaq mümkün olub.

"Bu funksiyaya sahib robotlar tezliklə Moskva, Sankt-Peterburq və Permdəki restoranlarda olacaq". Belə ki, paytaxtda bu cür işçiləri “The toy” italyan restoranı, Sankt-Peterburqdakı “Qusi” şəbəkəsi və Permdəki “Amber” restoranı əldə edəcək.

Şirkətdən verilən məlumata görə, belə robotlar restoranlardan əlavə, hava limanlarında və təhsil müəssisələrində də fəaliyyət göstərəcək.

Laləzər Osmanova