İtaliyada yaşı 12-dən çox olan əhalinin 80 faizi COVID-19 əleyhinə peyvənd edilib.
"Nmedia.az" xəbər verir ki, indiyədək İtaliyada 12 yaşdan yuxarı 60 milyon nəfərin 43 milyon 229 min 552-sinə hər iki doza peyvənd vurulub.
Bununla da hökumət ölkədə COVID-19-la bağlı çox sayda məhdudiyyətin ardan qaldırılması üçün qarşıya qoyduğu hədəfə çatıb.
Xəstəxanalara yerləşdirilənlərin sayında da əhəmiyyətli dərəcədə azalma var.
İtaliya hökuməti bundan sonra uşaqların peyvənd prosesini sürətləndirmək üçün çalışır.
